Sentimentalidá celta

«l'axetivu celta remite con precisión a la borrina derroucándose de los montes escontra la mar; a cantiles nos que los refollones de la nortiada zurrian la herba, abangan los árboles; a viaxeros abriendo con vagar la puerta d'una casa mentanto sutripan la roupa pa quitar l'augua del postrer bastiazu ou los faloupos de la nevarada que vei caendo na braña, ya según s'asientan nel escañu, a la ver la llariega, sienten dar la bienllegada con agasayu carnal ya, al empar que-ys apurren una escudiellla con potaxe ou un cachu con el acedo vinu del país ou una zapica cola sidra fresca de la última llagarada, falan pacetiblemente de las miserias del mundu ya de la grandeza de l'amista».

Ignaciu Llope. La casa gris. Publicaciones Ámbitu, S.L. Uviéu, 2010.